هنيئا لجيشنا الوطني العيد المجيد الكنتي العباس تدونة

للذين يشككون في مقاومتنا الوطنية ونضالنا التاريخي ويمجدون الغزاة الغاصبين أقول
اسْتِقْلاَلْ الدًوْلَ مَاكَانْ @@ هَدِيَه فِيهْ امْشَاوْ ارْوَاحْ 
الزًعْمَ لَبْطَالْ اهلْ الشًانْ @@اكْلَعْـنَـاهْ الَا بَالْـكِـفَـاحْ 
شَنْقِيطْ الْمَنَارَ مَا كَدْ@@ وَالرٍبَاطْ إدِيـرْ الْهَمْ حَـدْ 

لَسْتِعْمَارْ الشًعَبْ اتْوَحَدْ@@ضَدْ الظًلَمْ أخَاضْ الْكِفَاحْ 
قَاوَمْ بالدِينْ أدَارُ سَدْ@@وَالـْعَـلَـمْ أقَـاوَمْ بالـسِـلاَحْ 
مَنْ غَابُ لَنْجَاكُ لَمْبَدْ@@الْتِـيـرَسْ لَـطَارْ الًـبْـطَاحْ 
كَلْ امِيرْ اسْتَشْهَدْ فَبْلَدْ @@لَـيـنْ الْمَحْـتَلْ ابْعِـيدْ انْـزَاحْ
مَنْ وَاجَبْ ذَالشًعَبْ إمَجَدْ @@ لَـبْطَـالْ ألِ كَانُ مَـفْتَاحْ 
اسْتِقْلاَلْ الدًوْلَ مَاكَانْ @@هَـدِيَـه فِـيهْ امـْشَـاوْ ارْوَاحْ 
الزًعْمَ لَبْطَالْ اهَلْ الشًانْ @@ اكـْلَعـْنَـاهْ الاً بالْـكِفـَـاحْ 
@ @ @

أُتَمْ افْمُورِتَانِ لِمَانْ @@فَـزْدِيَـادْ أُدِيـنْ الرًحْمَانْ 
فَزْدِيَادْ احَفَظْ الْقُرْآَنْ@@ وَالسُنَه وَاكْتُوبْ الصِحَاحْ 
هَاذُ هُومَ تَمُ عِنْوَانْ @@مُـورِيـتَانْ امَـدْفَـعْ نَـطَاحْ 
وَاكْشَامِ بالْبَارُودْ امْلاَنْ @@ وَافْرَصْ خَيلْ أمْظَ مَنْ لَرْيَاحْ 
وَامْحَاظَرْ وَاعْزِيبْ أفَرْكَانْ @@ وَاكْرَافْ أكَلاَبَ وَابْطَاحْ
هُومَ بَلْ امْسَاكَنْ فَرْسَانْ @@ الـتًحْرِيرْ المَاكـَطْ ارْتَـاحْ 
مَنْهَمْ حَدْ الاَكَطْ الْيَانْ @@ يَخْبَطْهَمْ كَلْ امْسَ وَاصْبَاحْ 
مَاحَكْمُ بَرَدْ الَا حَمَانْ@@ امْـقَـاوَمْ لَـيـنْ ارْفَـعْ وِشَـاحْ 
اسْتِقْلاَلْ الدًوْلَه مَا كَانْ @@هَـدِيَـه فِـيهْ امْشَا وْ ارْوَاحْ 
الزًعْمَ لَبْطَالْ اهَلْ الشًانْ @@ اكْـلَعْـنَـاهْ الاَ بالْـكِـفَـاحْ 
وأخيرا هنيئا لموريتانيا شعبا وحكومة عيد الاستقلال المجيد 
وكل عام وبلادنا بخير

• < السابق
• التالي >